Nuair a bhíonn daoine faoi mhíchumas luaineachta ag taisteal, bíonn na hionchais chéanna acu is a bhíonn ag daoine eile. Bíonn siad ag súil go mbeidh siad ábalta an teach a fhágáil, an port nó pointe bordála a shroichint, dul ar bord an tsoithigh, taisteal go sábháilte agus go compordach, tuirlingt den tsoitheach agus a gceann scríbe a shroichint gan deacrachtaí. Caithfidh muinín a bheith ag paisinéirí faoi mhíchumas luaineachta, go háirithe, go n-oibreoidh gach céim den turas go héifeachtach agus go rialta. Má bhíonn bacainne ag baint le mír amháin fiú de thuras, ansin roghnóidh roinnt paisinéirí modh taistil eile (nuair is ann dó) nó ní thaistealóidh siad ar chor ar bith.
Figiúr 2.1: léaráid shlabhra an taistil: céimeanna éagsúla an turais i soitheach.
Mura n-éiríonn go maith le duine a bhaineann úsáid nó a dhéanann iarracht úsáid a bhaint as muiriompar, d'fhéadfaidís muinín sa mhuiriompar a chailliúint. D'fhéadfadh an duine sin glacadh leis nach féidir leo brath ar mhuiriompar chun freastal ar a riachtanais taistil, agus d'fhéadfadh an easpa seirbhíse iompair iontaofa cur isteach ar a gcaighdeán saoil.
D'fhéadfadh bacainní sa chóras muiriompair cosc a chur ar phaisinéirí faoi mhíchumas luaineachta úsáid a bhaint as seirbhísí muiriompair paisinéirí. Cuireann bacainní éagsúla isteach ar phaisinéirí faoi mhíchumais áirithe i slite éagsúla - tugtar roinnt samplaí anseo.
Maidir le daoine faoi mhíchumas luaineachta, tá ceithre chatagóir bacainní ar iompar i gceist:
|
1 |
Bacainní fisiceacha |
|
2 |
Bacainní a cruthaíodh le beartais, le nósanna imeachta agus le córais |
|
3 |
Bacainní maidir le rochtain ar eolas |
|
4 |
Bacainní de bharr dearcadh lucht bainistíochta, foirne nó custaiméirí |
Cuimsíonn bacainní fisiceacha:
Tá bacainní eile ann fosta nach bhfuil chomh soiléir sin, amhail:
Ba cheart go gcuirfidís siúd atá freagrach as soithí nua a cheannach nó saoráidí poirt a thógáil riachtanais na bpaisinéirí faoi mhíchumas luaineachta a chur san áireamh. Áiritheoidh sé seo go mbeidh rochtain ag gach custaiméir ar shaoráidí nua, lena n-áirítear daoine breacaosta, tuismitheoirí le leanaí óga agus paisinéirí le bagáiste trom. Nuair a bhíonn soitheach nua á fháil, nó críochfort nua á dhearadh, tá deis bhreá ann díriú ar inrochtaineacht, ar chostas réasúnta. Go minic is féidir gnéithe inrochtaineachta a chomhtháthú sa dearadh úrnua i slí a dhéanann an taisteal níos deise do gach paisinéir. Mura ndéantar an deis a thapú nuair a bhíonn an dearadh á dhéanamh, d'fhéadfaí costais mhóra a thabhú d'fhonn gnéithe inrochtaineachta a chur ar fáil am éigin níos déanaí.
Féadann beartais, nósanna imeachta agus córais bacainní a chruthú do phaisinéirí faoi mhíchumas luaineachta i dtimpeallacht an mhuiriompair.
Mar shampla, d'fhonn uaireanta bordála a íoslaghdú agus líon foirne a laghdú, d'fhéadfadh oibreoir iachall a chur ar phaisinéirí a dticéid a cheannach ag oifig ticéad sula dtéann siad ar bord soithigh. Má bhíonn an oifig ticéad thuas nó thíos roinnt céimeanna, nó má bhíonn an cuntar ticéad ró ard chun úsáideoir cathaoireach rotha a fheiceáil, ansin beidh an dualgas um thicéad a cheannach roimh dhul ar bord ina dheacracht d'úsáideoirí cathaoireach rotha. D'fhéadfaí an bhacainn seo a laghdú má thuigeann an fhoireann nach mbeadh paisinéirí áirithe ábalta ticéad a cheannach roimh ré. D'fhéadfadh saoráid ar líne chun ticéid a chur in áirithe a bheith cabhrach freisin mar bhealach malartach díolacháin do chustaiméirí a bhfuil rochtain acu ar an Idirlín. Féadann beartais, nósanna imeachta agus córais maidir le seirbhís ardchaighdeáin do chustaiméirí a bheith cabhrach i gcás rochtana lochtaí sa timpeallacht fhisiceach (mar bhearta sealadacha), go dtí gur féidir athruithe a dhéanamh ar an timpeallacht fhisiceach.
Caithfidh faisnéis do chustaiméirí (lena n-áirítear fógraíocht, cláir ama, sonraí um thicéadú, faisnéis sábháilteachta agus mar sin de) a bheith cruinn, comhsheasmhach agus inrochtana ag cách. Ba chóir aghaidh a thabhairt ar cheisteanna maidir le dóthanacht, infhaighteacht agus formáidiú faisnéise, méid agus dath an téacs, agus an cineál páipéir a úsáidtear d'fhonn a áirithiú go ndéantar freastal ar riachtanais gach paisinéara. Is féidir suíomhanna Gréasáin a dhearadh go cruthaitheach ionas gur féidir le daoine atá dall nó a bhfuil lagú radhairc acu agus a úsáideann teicneolaíocht léite scáileáin iad a úsáid go rathúil.
Is mór an feabhas atá tagtha ar dhearcadh an phobail ar dhaoine faoi mhíchumais le fiche nó tríocha bliain anuas. Tá roinnt daoine ann fós, ámh, a cheapann nár chóir go mbeadh paisinéirí faoi mhíchumas luaineachta ag baint úsáide as iompar príomhshrutha leo féin - nó gur chóir dóibh bheith ag baint úsáide as cineál éigin eile d'iompar speisialta. Tá daoine ann freisin a ghlacann leis go mícheart nach bhfuil duine le míchumas follasach freagrach as a c(h)uid gnó féin, agus is le cúntóir nó le páirtí an duine leis an míchumas a dhéileálfaidh siad.
Is féidir foireann a oiliúint d'fhonn níos mó a thuiscint faoi na bacainní a bhíonn roimh phaisinéirí faoi mhíchumas luaineachta. Ba chóir go gcabhródh ceannaireacht láidir agus oiliúint foirne chun na bacainní seo a shárú.