Aguisín 4: Treoirlínte Achomair

Achoimre ar na Treoirlínte Molta - Eolas

  1. Ba cheart d'oibritheoirí iompair paisinéara mhuirí a chinntiú go gcuirtear eolas ar fáil i bhformáidí éagsúla inrochtana ar na pointí éagsúla ag a mbeidh se ag teastáil ón bpaisinéir - roimh thús an turais, ag an gcaladh nó sa chuan, ar an soitheach agus tar éis an soitheach a fhágáil.
  2. Ba cheart d'oibritheoirí iompair paisinéara mhuirí a chinntiú, ar a laghad, go bhfuil eolas, amchláir agus suíomhanna idirlín éigeandála agus sábháilteachta práinneacha ar fáil do chách.
  3. Ba cheart d'oibritheoirí iompair paisinéara mhuirí a chinntiú go gcuirtear eolas sonrach maidir le conas cuidiú a fháil ar fáil do phaisinéirí faoi mhíchumas luaineachta.
  4. Caitheann comhaltaí foirne ábhartha a fhostaíonn oibritheoirí iompair paisinéara mhuirí a bheith ábalta eolas cruinn soiléir a chur ar fáil do phaisinéirí faoi mhíchumas luaineachta.
  5. Ba cheart d'oibritheoirí iompair paisinéara mhuirí a chinntiú inrochtaineacht an eolais a chuireann siad ar fáil dá bpaisinéirí a sheiceáil go rialta.

 

Achoimre ar na Treoirlínte Molta - foirgnimh, poirt, cuanta agus céanna

  1. Ba cheart d'oibritheoirí port, cuanta agus céanna pleananna a chur i bhfeidhm chun inrochtaineacht a mbonneagair agus a bhfoirgnimh a fheabhsú agus na sonraí sin a roinnt le paisinéirí faoi mhíchumas luaineachta.
  2. Ba cheart d'oibritheoirí port, cuanta agus céanna dul i gcomhairle, agus, nuair is cuí, obair i gcomhpháirtíocht le gníomhaireachtaí eile ar nós na n-údarás áitiúil, chun inrochtaineacht fhoriomlán an bhonneagair iompair mhuirí agus na timpeallachta tógtha a fheabhsú.
  3. Nuair a bhíonn foirgnimh, críochfoirt, cuanta nó céanna á bhforbairt nó á n-athchóiriú, ba cheart d'oibritheoirí a chinntiú go bhfuil teacht go hiomlán orthu ag gach paisinéir faoi mhíchumas luaineachta, de réir na treorach a thugann an tÚdarás Náisiúnta Míchumais in Tógáil do Chách.
  4. Ba cheart d'oibritheoirí port, cuanta agus céanna a chinntiú go seolann iniúchóirí oilte a bhfuil taithí acu iniúchtaí inrochtaineachta ó am go chéile ar an mbonneagar agus an timpeallacht thógtha. Gné lárnach a bheidh le cur san áireamh ag an iniúchóir a bheidh san aiseolas ó phaisinéirí faoi mhíchumas luaineachta.

 

Achoimre ar na Treoirlínte Molta - Soithí

  1. De bhua a ndeartha agus a réimse oibriúcháin baineann deacrachtaí suntasacha le cuid mhaith soithí maidir le láninrochtaineacht a bhaint amach sa ghearrthréimhse. Is é an cuspóir ba cheart a bheith ag oibritheoirí soithí feabhsuithe a chur chun feidhme ar mhodh pleanáilte agus de réir amscálaí réadacha.
  2. Ba cheart d'oibritheoirí soithí breithniú a dhéanamh ar mhionoibreacha a chur chun feidhme ar nós ráillí láimhe nua a fheistiú, contrárthacht dathanna a fheabhsú trí phéinteáil as an nua nó comharthaíocht nua a fheistiú, tharla gur féidir lena leithéid sin dea-thionchar substaintiúil a imirt ar thaithí an turais do phaisinéirí faoi mhíchumas luaineachta.
  3. Ba cheart d'oibritheoirí soithí a chinntiú go ndéantar seiceáil go rialta agus cothabháil cheart ar an trealamh a úsáidtear chun cur le hinrochtaineacht na seirbhíse.
  4. Nuair nach mbíonn cuid den soitheach inrochtana, ba cheart d'oibritheoirí soithí custaiméirí ionchasacha agus custaiméirí atá ag beartú an tseirbhís a úsáid a chur ar an eolas roimh thús an turais ionas nach gcuirfear as go mór do phaisinéirí faoi mhíchumas luaineachta.
  5. Ba cheart d'oibritheoirí soithí iniúchtaí inrochtana a dhéanamh go rialta ar a seirbhís.
  6. Nuair a bhíonn soithí nua á bhfáil, ba cheart d'oibritheoirí a chinntiú go dtugtar an tosaíocht chuí do ghnéithe inrochtaineachta.

 

Achoimre ar na Treoirlínte Molta - Caidreamh le Custaiméirí

  1. Ba cheart d'oibritheoirí iompair paisinéara mhuirí, nuair is cuí, custaiméirí a choinneáil ar an eolas maidir lena bpleananna feabhsúcháin inrochtana.
  2. Ba cheart d'oibritheoirí iompair paisinéara mhuirí seirbhís chuí a chur ar fáil do chustaiméirí a fhéachfaidh leis na constaicí a bhíonn le sárú ag paisinéirí faoi mhíchumas luaineachta a mhaolú.
  3. Ba cheart go ndéanfaí cuid de dhualgais rialta gach comhalta foirne ag oibritheoirí iompair paisinéara mhuirí é, a bheith ag freastal do riachtanais paisinéirí faoi mhíchumas luaineachta.
  4. Ba cheart d'oibritheoirí iompair paisinéara mhuirí meicníochtaí comhairliúcháin inrochtana a úsáid ar bhonn rialta chun cumarsáid éifeachtach a bhunú le paisinéirí faoi mhíchumas luaineachta.
  5. Ba cheart d'oibritheoirí iompair paisinéara mhuirí leanúint de bheith ag déanamh faireacháin ar chaighdeán na seirbhísí a chuireann siad ar fáil do phaisinéirí faoi mhíchumas luaineachta.

 

Achoimre ar na Treoirlínte Molta - Oiliúint Chomhionannais Mhíchumais

  1. Ba cheart d'oibritheoirí iompair paisinéara mhuirí oiliúint chuí a chur ar fáil don fhoireann le cinntiú go dtuigeann an fhoireann riachtanais paisinéirí faoi mhíchumas luaineachta agus go mbeidh siad ábalta freagairt dóibh go héifeachtach i ndáil lena bpoist féin.
  2. Ba cheart d'oibritheoirí iompair paisinéara mhuirí breithniú a dhéanamh ar oiliúint chomhionannais mhíchumais a chur chun feidhme, mar chuid den chlár oiliúna don phost. Ba cheart an oiliúint a bheith á cur ar fáil ag oiliúnóirí le taithí a bhfuil cuntas teiste maith acu san oiliúint chomhionannais mhíchumais.
  3. Ba cheart d'oibritheoirí iompair paisinéara mhuirí faireachán a dhéanamh go rialta ar éifeachtacht na hoiliúna.

 

Achoimre ar na Treoirlínte Molta - Briseadh agus Éigeandáil

  1. Ní mór d'oibritheoirí iompair paisinéara mhuirí a chinntiú go n-aithnítear sainriachtanais paisinéirí faoi mhíchumas luaineachta agus go bhforáiltear dóibh i gcás éigeandála agus míchoir.
  2. Ba cheart d'oibritheoirí iompair paisinéara mhuirí breithniú a dhéanamh ar PFÉP a ullmhú le cinntiú go mbeartaítear agus go n-aontaítear riachtanais aslonnaithe paisinéirí nó comhaltaí foirne áirithe roimh aon éigeandáil a bheith ann.
  3. Ní mór d'oibritheoirí iompair paisinéara mhuirí a chinntiú go ndéantar tástáil rialta ar phleananna agus nósanna imeachta chun déileáil le héigeandálaí agus míchoir, trí chleachtadh agus druileanna a dhéanamh. Ní mór athbhreithniú a dhéanamh ar thorthaí na ndruileanna sin agus iad a úsáid chun nósanna imeachta agus oiliúint a chuirtear ar fáil don fhoireann a dhéanamh bailí nó a uasghrádú.

 

Back to top